Värslischmitte Brugg


Fasnacht
 

Di 3 vo Brugg


Mir Chauffeure, das tuet me gseh

Si bi dr Poschtauto AG

Si fründlich, ufgstellt und au stolz

Si ehrlich, nätt und bestem Holz

Mir sind suuber - erfüllet d' Charge

Im Gegesatz zur Chefetage

 

 

Cinquocento – VW Bus

dr Cadillac stoht hinde us

s'Guggerzyttli vo eusem Grosi

lauft immer no – do chönd mir froh si

dr Projektor vo dene Dia

brucht kei Mesch meh – mama mia

nur alte Grümpel - do wird s eus klamm

do passt derzue dr Luzi Stamm

 

 

s neue Jagdgsetz isch für d' Füchs

kei Chance hei do eusi Lüchs

au d' Bäre si zum Abschuss frei

bi de Wölf – no s'grösser Gschrei

mir 3 vo Brugg – mir tüen do wette

Dr Doppeladler isch au nümm z'rette

 

es schneielet – es fiselet

 

dr Kevin git eus wirklich z'dänke

me müessti ihm Beachtig schänke

im Denner het er Ziggi gstohle

d' Polizei isch ihn cho hole

dr Schuelpsycholog wyyst ihn y

es Timeout gits – als Therapie

d' Frau Doktor seit: dä isch halt schlau

in Genf macht das dr' Maudet au

 

 

Tempo 30 in eusrer Stadt

findet s Volk aber gar nit glatt

dr Pesche dä isch schurig froh

die Grüene findet – s muesst witergoh

dr Stadtrot will do gar kei Zwang

das Schnäggetempo kennt er scho lang

 

 

mir 3 stöhnt uf "Haute Couture"
do isch eus eifach gar nüt z'tür
E Fashionweek isch für eus geil
z Paris gsehsch super Trend and Style
Chanel - Gucci - Dior - Prada
vo exclusiv bis völlig gaga
dr neuschti Schrei - dä sig s'Beschte
me treit hüt eifach - gäli Weschte

 

 

Am Supersale gits viel Rabatt

Black Fryday finde mir au glatt

wo gits Prozänt ? Mir hei kei Rueh

Am Cybermonday – do schlönt mir zue

und jede Tag no de grösser Hit

doch s'Meischte isch jo eifach Shit

Als Räschtposchte und das tuet weh

müend mir dr Repol Hossli neh

 

 

 

 

Lueget vom Stei…..

 

Es git in Brugg ganz viel Parteie

die einte motze – die andere schreie      

die Linke links – die Rechte rächts

vo dr Mitti ghörsch au nur schlächts

d FDP und die Grüene

chasch mit dr SVP nit rüeme

drumm gits nur EIS – das würd sich lohne

e Partei Begegnigszone

 

 

Stohsch uf am Morge und dänksch ich spinn

mis Läbe brucht e neue Sinn

bisch resischdänt gege Kritik

e heisse Tipp! mach Politik

z Windisch näbe Königsfälde

chasch di grad für d Schuelpfläg mälde

 

 

d SVP pusht parteiintärn

e Witerbildig direkt in Bärn

e Chochkurs mit em Albert Röschti

Freude herrscht – das sig is Gröschti

denn grad bim Choche, ganz philosophisch

schmöcksch d' Bsinnig klar und das isch logisch

im Partei Chochbuech hei mir gseh

derzue e Prise vo dr AfD

s Gheimrezäpt und das sig Pflicht

viel bruuni Sauce zu jedem Gricht

 

dört äne am Bärgli…...

 

 

 

 

 

dr Schneider Ammann seit tschüss und tschau

er will nur schloofe und macht jetzt blau

d Doris Leuthart verdient neu‘s Brot

bim COOP - dört im Verwaltigsrot

und au bim BELL – de Metzgerburschte

dört cha si grad go witer wurschte

 

 

im Städtranking ganz wyt hinde

uf Platz 47 – tuesch Brugg dört finde

hinter Windisch und Spreitebach

theoretisch lausig und ganz schwach

doch in dr Praxis – das macht eus warm

Brugg eifach no meh Charme

 

 

 

Lieder

 

 

tü ta to – Poschtauto

fahrt in Dräck – ohni Späck

fahrt uf Gänf – ohni Sänf

fahrt uf Bade hesch e Schade

fahrt uf Brugg uns nümme zrugg

tü ta to – mir 3 si do

 

 

 

 

 

es schneielt – es fiselet

es goht e warme Wind

d Meitli leget d Händsche ab

de Buebe ziehts an Grind

 

es änderet - es wächselet

dr Klimawandel – ooh !

d Politiker die gsehn das nit

jetzt muess denn öppis goh

 

es rägelt – es tröpfelet

ganz sicher au nümm lang

und wenn das so witergoht

wirds eus ganz Angst und Bang

 

es windelet – es sünnelet

d Erkenntnis wird no cho

und duured das nit all zu lang

so blybt die Wält bestoh

 

 

 

 

 

 

 

 

 

 

Lueget do abe in d'Stadt

s Läbe isch nümme glatt

lueget vo Aue und Matte

waschse die dunkele Schatte

d Altstatt die isch in Not

Oh wie gsehn mir nur rot

 

Lueget do abe uf d Brugg

niemer chunnt dört hi meh zrugg

loset wie d Glocke die schöne

für de Fridolin wieder ertöne

d Läde si alli bald tot

wenn alles Onli-ine zueschloht

 

Lueget do abe zum Küng

au dä macht keini Sprüng

lueget vom Amtshus zum Eisi

jede seit nume – jo nei sie

mir hei das la-angsam satt

mir glaubet an Eusi Stadt

 

 

Dört äne am Bärgli dört stoht e bruni Geiss

mir hei si welle froge – do haut si eus eis

 

dört äne in Aarau dört stoht jo d Frau Roth

si macht gärn viel Fehler - drum isch si in Not

 

Ihres Läbe isch schwierig si het kei Geduld

es isch jo wie immer – die andere si Schuld

 

vo Rohtrist uf Aarau do isch es nit wit

si weiss es jo sälber – si isch gar kein Hit

 

mir froget eus wirklich – isch Die für d Chatz

drum gits do nur eis – Franziska mach Platz

 

 

Refrain:     holiduli dulidili.......

           si isch halt e Stuuri …..

           si isch halt fü d Chatz

 

 

 

 

 

 

A dä Ufer vom Salzhu–us River

flüsst dä Obig beruschend dahi

und mir dankend dr Sombrero Clique

für die mexico Decor- aci -on

Vo Coracon für d‘Decor-aci-on

 

wenn hüt z Obe mir Schnitz-e-elbänkler

öisi Värsli zum Beschte-e gänd

do sind alli felizz und contento

dank em grande Salzhuus Team