d'Klimawanderer
Mir tüend fürs Klima wandere vo einer Demo zur andere au im Winter si mir am tschalpe direkt ans WEF dört in de Alpe viel Bla Bla und Diskussione am Schluss will s'Klima niemer schone mir bringed Opfer und die tüend weh Eusi Blootere - oh je mi neh
Mir 3 vo Brugg hei diskutiert und für s Klima voll engagiert euse Bytrag in dr Fasnachtszyt isch zwar hart und goht ganz wyt Kei Chäschüechli – null Chnoblibrot Kei Thonbrötli – do gsehn mir rot und kei fetti Zibelewäähe das alles tued dr Maage bläähe da Verzicht, isch ganz fatal so si mir CO2 neutral
eis Kamel und zwei Kamel drei Kamel – ganz viel Kamel derzue chunnt no es Dromedar do hets Verkehr, das isch jo klar in dr Wüeschti - d'Karawane muess en Wäg zur OASE plane doch die OASE - luegsch gnau hi cha nur e Fata Morgana si
s'Abfallkonzept vo eusrer Stadt das finde mir scho schuurig glatt ein Stadtrot tuet sich engagiere über d'Medie eus z'informiere dä isch modärn und motiviert das Thema isch halt kompliziert als Service Public – das jede Morge hilft neu dr Reto bim Entsorge
und eine chas au nit lo si dr Haudeschild isch au derby
Im Stapferschuelhuus, ganz wyt hinde isch d Garderobe vo de Chinde früsch renoviert – Platz hets gnue für Jacke, Chappe und ganz viel Schueh aber öppis blybt und das isch wohr es stinkt dört glich wie vor 100 Johr Pädagogisch isch das nit dernäbe so chasch Biodiversität erläbe
S neue Anti-Rassismus-Gsetz seit ganz klar, mir wüssets jetz über Schwuli darfsch nüt mache das isch klar, do gits nüt z lache aber öppis darfsch jetzt au nümm bringe über katholischi Prieschter singe
De Wilder Geert, jo dä vo Holland de Johnson Boris dä vo England de Donald Trump vo Amerika de M. Salvini – Italia d Afd im Dütsche Norde dr Erdogn ghört au zur Sorte mit Ungarn, Tschechie gohts grad witer in China isch es bsunders schyter die alli säged und das isch schlimm sie seiged ihres Volkes Stimm mir 3 vo Brugg, mir hoffed drumm all die Völker sind nit so dumm doch au bi eus im Schwyzerland nänd die Gedanke überhand bloost d’SVP is gliiche Horn das wie mer ned – weder hüt no morn
Verlürsch di Stell, das isch ganz tragisch hoff zerscht lang, dass das nit wohr isch suechsch Unterstützig, gosch zerscht uf s RAV im Notfall schaffsch im letschte Kaff nach langem Warte – ganz vieli Stund do chunnt vom RAV die frohi Kund si händ en Vorschlag, doch de tuet weh! wird doch Chef vo der SVP
hesch du Angscht vor em schwarze Maa muesch psychologisch Unterstützig ha Verfolgigswahn chunnt no derzue das alles nimmt dir dini Rueh wirds nur schlimmer, immer chränker denn bisch Du sicher CS Bänker
Mir händ jetzt au en Spionagefall Cryptoleaks – en mega Knall Nachrichtedienst eis grosses Gschrei Was weiss do Bundespolizei? Wer isch d Schuld an dere Sach? Politiker gänd sich ufs Dach dr Villiger isch am studiere dr Koller no am chiffriere d Amherd, die suecht wie nes Tier und findet gföhrlichi Papier Le Président, Christan Levrat Monsieur Glättli „ca ne va pas“ d Gössi seit zum Berner Röschti en PUK das wäri eifach s Gröschti d Frau Stadtammann die bietet Hand und hät en Lösig für euses Land doch leider gits do es Problem es isch es Bitz „unangenehm“ bim Üebe hinde, a Biberstei schiesst sich d REPOL is eigne Bei
Dr Chugelblitz – dr Beat Feuz au d Wendy het au richtig Speuz Gisin, Janka, Odermatt die stelle d Öschtricher schachmatt d Nationewärtig – mir händ dr Gnuss das nennt me Klimawandel - plus
an de Bergbahn hets viel Lüt d Kolonne die bewegt sich nüt mir händ jetzt gnueg, mir wänd in Schnee do chunnt eus die genial Idee e churze Satz, denn gohts razz fazz und scho hei mir do ganz viel Platz du hueschtisch churz – ich froge di wie isch di Reis uf China gsi
Brugg isch rych und Windisch arm dr Einti seit: es heig meh Charm mir frooged Eus am runde Tisch wo dä Charm bi dr Schuelpfläg isch