Värslischmitte Brugg


Fasnacht
 

Oschterzäpfe

De Bauamt-Mitarbeiter Fredi Zingg schiisz grausam aa,

sit vier Mönet uf Piggee & ned einisch töf er gah,

Us Fruscht do gsesch ehn jede Tag um d’Mittagsziit im Leue,

Meh als s’halbe Fläschli Salz – i sini Suppe streue.

 

Mittwoch, Donnschtig – ehr händs au erläbt – gits ändlech e chli Schnee,

Kes Wonder hesch de Fredi Zingg all Strosse schnüüze gseh.

Er het jetzt sini Freud mol ghaa doch mech schiisz jetzt halt aa,

Well ich halt wäg dem Pflotschi-Schnee de Zuesatz-Vers mues haa.

 

Letscht Sommer im Hallwilersee schwimm ich ganz angetan,

ich crowle grad as Ufer zrugg, do gsehn ich en Kaiman,

ich mäldes grad der AZ – ond ich google denn spontan,

ou nei – läck esch das piinlech jetzt – das Tier das heisst jo Schwan.

 

En Nobällpriis in Physik – heschs glääse? – häm’mer Schwizer öberchoo,

& en Wältruum-Satellit uegschosse – Cheops – oder so…

Doch bim Läse simmer PISA-mässig gar ned guet debii,

Drum weiss i ned denn sind’s statt Schwizer vellecht au nor Schwede gsii…

 

Was früener no mit Läserbrief – tuesch höt nömm gross studiere,

per Whatsapp, Facebook, Handy gisch din Sämf mit kommentiere.

Jetz stell der vor för jede Sämf legtisch es 50i hii...

de merksch sofort: jo früehner esch ned alles schlächter gsii!

 

Änglisch – verstöhnd glaub all e-chli, aber niemer verstoht die Brite!

Tüend johrelang nüt anders, als um de Brexit strite.

Doch nachhaltig esch's ganze ned – do muesch der nüt erhoffe,

dank Climate-Change esch Britannie doch i 20 Johr eh versoffe.

 

Letscht Sommer do het d'FDP jo plötzlech – wer hets tänkt!?

Bim Iispure uf d'Wahle au grad noh uf grüen umgschwänkt,

doch dene mit de SUV's de tüüre ond de schnälle,

gohts nor ums gschwinder försi choo – mit de grüene Wälle.

 

Die Grüene gönned d'Wahle & jetzt händ si de Salot,

de Cassis gsehnds am liebschte grad im Clencore-Verwaltigsrot,

doch d'Frau Rytz bliibt ohni Sitz, sie wartet jetzt im Egge,

& ihri Gägner wänd si bis 2030 still-legge.

 

 

De Sanitär, sin Coiffeur & sin Hund & dem si Frau,

di Alt wo eim nie grüesst, de mit em Puggeli grad au,

de Pingelig vom Nochberhuus, de Sigrist, & d’Frau Grau,

euse Klassegloon vom Dorfschuelhuus, de erkenn i noh genau!

S’Tussi mit en Dööschwo, dee wo raucht im Stägehuus,

De Stutz, wo sini Frau betrügt, de gseht au nömm so guet uus.//

Doch die alli sind mir scheissegal, aber ich – wie chum ICH deet hee,

Uf die 35. Lischte - vo de CVP?

 

 „Wer esch denn vorher i de Pause ufem Lehrerpult druff gsässe?

Michael, besch’s du ächt gsii?!“ – „Herr Lehrer, ich has vergässe!“

„Also Michi, wennt so vergässlech besch, wo wottsch di mol bewärbe?“

„Okay, Boomer – eis esch safe – ich wott nur Bundesaawalt wärde.“

 

En super neue Doppelstock-Zug het de Meyer welle,

doch statt bem Stadler het ers halt be Bombardier lo bschtelle,

S‘esch alls nor Schrott, nüt funkzioniert - & Bombardier seit klug:

Das wo do uf de Bschtellig schtoht – seig nor en „Do-Stoh“-Zug.

 

Uf Facebook live de Geiselnähmer wien er Lüüt abschlachtet,

en Viertel-Stund & no chli meh, bis ihn ein beachtet:

im Zuckerberg sin Compi-Fritz – & de het vorher nämmli,

gschaffet be de Boeing för die Flugzüüg-Flug-Progrämmli.

 

Nor Sterbehilf förs Wältklima, das esch de Klima-Gipfel!

Waldbränd, grüeni Wiehnacht & nor no paar Gletscher-Zipfel.

Wer chönnt die Wält no rette? Höggschtens noh de Beat Breu!

Well au d'Greta – das esch wörkli wohr – macht bim Schnuufe CO2! 

 

Kämpfsch du jetz för’d Umwelt & du wottsch au s’Klima rette,

oder bisch degäge & tuesch äxtra umejette,

oder esch’s der Hans was Heiri, quasi scheissegal,

Denn mach’s eso wie Bade, seisch – du seigsch klimaneutral.

 

Am erschte Stadtfescht-Wochenänd han ich mich öberwunde,

& ha de Wäg as Bruggerfescht schliesslech knapp noh gfunde.

Im Nochhinein betrachtet het das quasi no rentiert,

well niemer het min ned vorhandne Feschtpass kontrolliert.

 

 

 

 

Nachdem ich am Zischtig Nomitag d’Schissibrugg tue quere,

do geshn ich ein wo chüderlet & züpflet a de Ähre,

Was macht ächt dee? Esch das ned ein won ich vo Fernseh kenn!?

Ja, lueg jetzt staht da zmitzt im Acher z’Brugg – dr Uncle Ben.

 

De Dieter Egli esch wie gmacht zom de Urs Hoffmann beerbe,

Mer frogt sech nor: Werom tuet er sech ned deför bewerbe?!

Er esch wählbar bis wiit rächts & sis Profil das passt genau,

Nor eis einzigs Chromosom esch falsch: de Dieter esch kä Frau.

 

Am Mäntig …                                                                   …5G,

Am Zisch… …                                               …oh-herrjeminé!

Am….                                                 …do schimpft de Tom:

….                              ….en huere Scheiss die blöd Swisscom!

 

En Bahnhof, Migros, Coop, sogar en Ortsbus & en Denner,

Thermalbad ond es Turmhotel ond Restaurants för Kenner,

Kurpark, Tierpark, & de Rhyy – trotzdem händ all en Chare!

För was wännd die vo Zurzach denn zo eus in Aargau fahre?

 

Bade plant e Gondelbahn vom Bahnhof bis zum Bad,

doch dass die Bahn ned wiitergoht das find ich ziemlich schad,

Statt neui Strosse Gondle fahre: Ufe, abe, flach,

I anderhalb Stund wärsch vo deet im Zentrum vo Zurzach.

 

 

Deet ähne am Bärgli deet stohn i mängisch aa,             C, G7, C

& Drumm müemmer dringend noh meh Strosse haa!   C, G7, C

Vo Bade uf Bade do bruchts es Tunnel,                           

Doch au mit de Gondle wärs gmüetlech & schnell.

Vo Windisch uf Brugg – do bruchts au es Tunnel,

Denn stiigt de Verchehr sicher exponentiell.

 

 

 

Für Meghan und Harry: (Melodie „Froh zu sein“)

Um / frei zu sein bedarf es wenig,                 A, D//:

Doch wer frei ist, wird nie König.       

 

 

 

Kennet ihr das Gschichtli scho, vo dem arme Eskimo,           a, e, a

wo in Grönland einisch so-gärn wär under di Riiche cho.      e, a, e, a, e, a, e, a  

Är het ghört Amerika, wett am liebschte Grönland haa,

& het tänkt: De chani ja, Grönland go verchoufe gah.

 

Mit em Gäld da chönti-o, choufe mer es Cembalo,

doch wenn-i fortissimo, spilti uf dem Cembalo,

chönnt en Ysbär inecho, ig weiss zwar s'het nömm vell drvo,

doch ein-no wörd's ir Nächi gäh, dä wörd' me zwösch d'Chralle näh.

 

Ja, drum het dr Eskimo, gmerkt es wörd ned guet cho so,

& het gseit: „Amerika, Grönland das chöit ehr ned haa.“

 

Drei Chinesen mit dem Kontrabass,                       D, A

sassen auf der Strasse und erzählten sich was,      A, D

da kam die Polizei „ja was ist denn das?“              D, G

drei Chinesen mit dem Kontrabass.                       A, D

 

Dreihundert Chinesen ohne Kontrabass,                D, A

gingen auf die Strasse und erzählten sich was,      A, D

da kam die Polizei „ja was ist denn das?“              D, G

dreihundert Chinesen ohne Kontrabass.                 A, D

 

Drei Millionen ja das ist schon krass,                     D, A

gehen auf die Strasse und verlangen was               A, D

da kommt die Polizei und die wird ganz blass      D, G

auf drei Millionen ja da ist Verlass.                         A, D Hong A, Kong D

 

Kein Chinese, auch kein Kontrabass,                     D, A

Niemand auf der Strasse – Ja was soll denn das?  A, D

Die ganze Stadt ist leer – ist ein Pulverfass,          D, G

Das Corona-Virus das macht gar kein Spass.        A, D   Wu  A, han D

 

Aprite le porte, che passano, che passano,             C, G7, C

Aprite le porte, la corona in Ticino.                        C, G7, C

 

(Melodie „Im Aargau sind zwoi Liebi“:)

Au im Aargau gits paar Infizierti,                                            C, G7

I zwee Woche, du wirsch gseh, scho jede vierti!                     G7, C

& ich goh grad noh en Chessel schwarzi Farb go hole,         C, G7, C

Dass ich eusi Zuekunft no cha wiitermole.                              C, G7, C

De Berset seit im Bundeshus: „S’git e Gränze, do wird’s gruusig,

Wenn Mänsche jetzt wänd zäme choo, denn allerhöggschtens Tuusig!“

Jo z’Brugg do i de Värslischmitte do esch das gar nüt neus,

Kei Panik, muesch ned zelle: mir sind do under eus.

 

Autosalon, Engadiner, Basler Fasnacht: Nei.

Fasnachtsumzug z’Windisch, z’Brugg: das gits das Johr e kei.

Au mer do uf de Bühni obe isch langsam scho chli heiss.

Kei Angscht, nonig s’Corona: das all’s z’verteggschte triibt de Schweiss.

 

 

Z’Basel an mym Rhy,

Möcht ich jetzt ned sii,

D’Fasnacht chönnds vergässe, joo

Dr Berset het si sause loo,

Z’Basel, z’Basel,

Müesst ich jetzt ned sii.

 

& leit di ned s’Corona flach,

Soo trifft di z’Windisch s’Halledach!

 

(Melodie „das alte Haus von Rocky Tocky“)

Dieses Ding ist alt und hässlich, dieses Ding ist gross und schwer, C, F

Doch seit mehr als 50 Jahren geben die das nicht mehr her.            F, G7, C

Der Reaktor halb zerfallen und der Rost, der nagt und frisst,          C, F

Bis in Beznau unser Fukushima ist.                                                    F, G7, C

        Refrain:

   Das alte Kernkraftwerk in Beznau, hat vieles schon erlebt,         C, F, C

  Kein Wunder, dass es zittert, kein Wunder, dass es bebt.              C, G7, C

  Das alte Kernkraftwerk das schaltet – sich selber aus bei Not,    C, F, C

  Eine kleine Störung gibt’s bei jedem Morgenrot.                          C, G7,• C

 

Dieses Werk darf weiterlaufen, sagt das Ensi jedes Mal,                 C, F

Denn es wird ja investiert, still-legge wär schon chli brutal,           F, G7, C

Alli Brennstäb sind am heize, ond du froggsch di stimmed Zahle, C, F

Dank de Arbetsplätz sind alli häppy und s’tüend alli strahle.          F, G7, C

  /Refrain

Mühleberg esch scho vom Netz, de chlii deet simmer ändlech los, C, F

Das das in Beznau ned passierte cha, das weiss mer gar ned gross, F, G7, C

Denn scho bem Bou vor 100 Johr het mer sech gfroggt was das ächt sell, C, F

Händ gar kän Hauptschalter iibout – will mers jo nie abstelle well.         F, G7, C/Ref.

Z’Nacht a de Bar do starrt er lang uf ehres Hinderteil,           (C), G7, C

si chert sech ond er tänkt vo vor’ esch si ned minder geil,     C, G7, C

er heissi Robert - & si seit ganz knapp „Heidi“,                       C, F, C

„Läck, das Arsch!“ - das tänked schliesslech beidi.                C, G7, C

 

Muesch mol in Notfall – wäg paar Salmonelle,

Corona-Virus oder nor en Bagatelle,

hesch Fieber oder Diarrhö wäg Rüeblitorte,

zahlsch bald e 50er-Note a de Iigangspforte.

…& schaffsch bim Bouamt & hesch e Salzvergiftig,

Denn esch din Grund för in Notfall au rächt triftig.

 

Besch aber chronisch chrank – so chönntsch du profitiere,

mit diner Treuecharte chasch so kumuliere,

hesch 100 Stämpfel druff denn gits es Päckli Smarties,

& met zwoi volle Charte d'Bilddarm-OP gratis.

 

& het de Samichlaus früener no recherchiert,

het er höt längschtens scho din Google-Uuszug abonniert.

& chauf der nie en Minergie-Adväntskaländer!

Do bringsch käs Fänschter uf de ganz lieb lang Dezämber!

 

Z’Öschtrich tüends jetzt – grüen und schwarz regiere,

Werom au ned – die chönnds jo mol probiere,

Die ersche Konsens wo’s scho händ: es git hüt Pizza,

& als Staatskarosse KEIN Seat Ibiza.

 

D'Viola Amherd bringt d'Armee uf Vorderfrau,

met wellne Flüger wössti d'SP ganz genau,

de vo Amerika het drum zwar nonig twitteret,

doch all händ Angscht vor eus - lueg mol wie d'Merkel zitteret.

 

Doch wördi d'Schwiz bedroht ond d'Armee macht mobil,

denn chömmt de Bruggebouer-Trupp ond S'Musigspiel,

de Feind de wörd verwirrt' – meint seig im Paradies,

d'Schwiz wördi gönne so – de Friedensnobällpriis.

 

& kriegt de Chrieg in Syrie Chrieger vo Kriegstette,

Au wereds Schwizzer gsi – glaub das mer die nömm wette.

Höggschtens en LGBTIQ wörde mer zrugg neh,

& de/die/das müesst s' Präsidium vo de SVP öbernäh!

 

D'Notre Dame z'Paris esch usbrönnt – stürzt fascht ii,

no schlimmer gohts de Sozialdemokratie,

no höcher als z'Venedig stoht der SP s'Wasser,

& met em Wehrmuet a de Spitze wörds no krasser.

 

Dr Onkel Philipp regt sech uf – er esch halt Puur,

Das bitzli Littering im Acher macht ihn suur,

Doch ich erklär’ ihm: D’Klimajugend seig halt stur

& ehres Motto: alles zrugg zu der Natur.

 

& denn mis Töchterli, die find't sich völlig cool,

macht ein uf Klima-Streik – instead of go to school,

ich understütze si - & tränn de Spreu vom Weize,

& tue dä Winter ihres Zimmer nömme heize.

 

Deet in Australie gits gar kei Klimawandel!

Deet boueds ab & si triibed flissig Handel:

Export nach China & nach Indie mues räntiere,

Drum tüends jetzt flächedeckend Chole produziere.

 

De ganzi März kei Plastik bruuche – heisst d’Devise,

Das bringt die z’Bade säg ich euch chli i ne Krise,

Jo ohni Mikro-Plastik ich säg ders chasch vergässe,

Do bliibt der nüt meh zum Trinke & zum Ässe.

…& s’allerschlimmschte, do rüersch alles uf de Huufe:

Chasch ned mol meh – es Corona suufe!

 

Das Oviesse z’Brugg stoht au scho länger leer,

au vis-à-vis verspeert de Umbou chrüüz & quer.

Doch xehn-ich grad be beidne grossi Potenziale,

för öppe nüün so Fitnesscenter-Filiale.

 

Noch de Zinse chunnt jetzt alles under d’Räder!

De wichtigscht Mitarbeiter esch dr Akteshredder!

Was be de CS lauft esch einfach nor no chindisch,

Vell schlimmer esches glaub nor be de Schuelpfläg z‘Windisch.

…& au die z’Bern tüend mängisch ned so vell studiere,

för die Erkenntnis bruchsch kes Grät zum Deschiffriere.

 

 

Wenn ihrs wännd wösse – ich ha eigentlech welle,

Euch die beschte drüü Schwule-Witz verzelle,

Doch wäg der Abstimmig ziehn ich min Schwanz jetzt lieber ii,

Hhhh! - Das wär scho fascht die erschti Pointe gsii.

 

La Fete des vignerons – die esch verbii,

De Schwizer Frauestreik – de esch verbii,

D’Frau Roth Regierigsrat – die esch verbii,

Ond volli Chilebänk – esch früener gsii.

CVP, BDP – die sind verbii,

S’AKW Mühleberg – das bliibt no chli,

dee vo Amerika – i 5 Johr au verbii..

& die Schnitzelbank – zum Glück verbii.

 

 

 

Wenn ich mol 92zgi bin tüen-ich früeh-pangsioniere,

& zwoi Johr spöter tüend denn Brugg & Windisch fusioniere,

Doch s’esch ned wohr, ich träume nor, so zwick mi doch in Arm,

S’esch alls denn no wie früehner: eis esch rich & eis het Charme.

 

 

 

De Fasnachtsumzug findt‘ ned statt, drum gits e Schwiigeziile:

……..       ……                                               es esch zum Hüüle!

Doch wemmer wänd denn findt‘ er höt no statt & wird denn grad begrabe,

Chömed all grad uf Umzug mit – diräkt zom Friedhof abe.