LIED Cocaa colaa
Schampi: Händ ihr gwüsst, dass i de Schwiiz jede 2. Tag e Person als vermisst gmäldet wird?
Sonja: Vermisst da öpper es paar Arschcharte? (zum Publikum) , Ich han da irgendwie zvill. Das chönd unmögli alli mini si.
Luzia: (kopfschüttelnd). Ouh du, wänn öpper vermisst wird, chamer doch en Flyer mache. Chürzli han ich eine übercho:
Ehemann und Hund entlaufen
500 Franken Belohnung
In Chlammere: für den Hund
Karin: Gits überhaupt au Vermissti wo mer nöd vermisst?
Hanspi Ich weiss es nöd, han aber scho ghört devo
Sonja Ja das gits, zum Biispiil die ehemalige Regierigsrötin Franziska Roth
Karin: Sie gaht id Gschicht ii als Vermissti wo niemer vermisst
LIED Don’t sit under the apple tree
Luzia D’Fraue händ i letschter Ziit schön Gas geh
Hanspi Mängisch aber au z’vill – z.B. bi de Regierigsratswahle hätt d‘ Yvonne Feri welle Stimme mache mit em Slogan „Fair zu Frauen“
Sonja Ja de Spruch isch ihre schön i d’Hose, drum sind d’Manne au fair gsi und hönd sie nöd gwählt
Karin Im Gägesatz zu de Manne sind mir halt i dr Laag, eus uf mehreri Sache, wo mer überhaupt nid chönnt, gliichziitig z’konzentriere
Luzia Und bi de Ständeratswahle hätts au nöd klappt mit ere Frau
Sonja Aber defür isch de Thierry Burkart in Ständerat gwählt worde
Hanspi Vor allem Fraue händ en gwählt
Luzia Jetzt hämmer de schönschti Ständerat - zuegeh, uf de Wahlplakat hätt er scho schampar guet uusgseh
Karin Mir Fraue liebed halt die eifachschte Sache im Läbe, zum Biispil d’Manne
LIED Bei mir bist du schön
Hanspi Früener händ immer alli gseit: Iss diin Täller leer, dänn gits schön Wätter. - Und was hämmer jetzt?
Sonja Dicki Chind und de Klimawandel
Luzia Eusi Politiker sötted ändlich öppis tue degäge
Karin Müesstet die inere Dachwohnig läbe, würdet sie de Klimawandel ernschthafter aagoo.
Hanspi Du häsch scho rächt, lueg emol was die Greta scho alles bewegt hätt
Sonja Alli redet immer nur vo dere Greta, ich ha d’Schuel scho gschwänzt, wo’s na kei Klimaerwärmig gäh hätt
Luzia Also ich find, mer händ en heisse und wunderschöne Summer gha
Karin Nume das Unghür vom Hallwilersee hätt mir en Strich dur d‘ Rechnig gmacht – bin us Angscht nümm in See go bade
Hanspi Stell dir mal vor, d’Regula Rytz vo de Grüene got im Hallwilersee go schwümme und de unberechebari Kajman taucht uf.
Sonja Nöd uszdänke wie de Wahlkampf dänn verloffe wäri, wenn dä sie gfrässe hätti
Luzia Also ihri Schnure isch vil grösser, als die vom Kajman
Sonja Aber a de Wahlfiir isch sie gfiiret worde, fascht so wie de Harry und Meghan a ihrem Hochsigtag
Karin Wüssed ihr eigentli, was de Bluemestruss näbed ihre für e Bedütig gha hät?
Hanspi hätt sie de nöd mitgnoh?
Karin Nei, das isch ihres Abigässe gsi
LIED sing, sing, sing
Sonja Mir Schwiizer sind würkli soooo integrationswillig
Luzia Jetzt hämmer aber en schöne Dämpfer übercho
Hanspi Vorarlberg möchte jetzt doch nöd i d’Schwiiz integriert wärde
Karin Dafür will Turgi zu Bade ghöre –
Sonja Heisst dänn de neui Slogan „Baden…ist… - Turgi war oder sind beidi glichberächtigt?
Luzia Häsch du Gliichstromschwankige?
Hanspi Du tönsch ja so, als hättisch du Stromuusfall i dine Stimmbänder
Karin Als global dänkende Mänsch interessiered mich eigentli meh d’Chinese
Sonja Häsch rächt, nöd umesuscht isch de Ueli Murer in China gsi
Luzia Er hätt e Zämearbet „neue Seidenstrasse“ unterschriibe
Hanspi D’Badener händ das scho lang uufgno
Karin Und jetzt isch äntli die Wiiti Gass verkehrsfrei und Badstross bald Beizefrei
LIED Polka
Sonja Wem sin Verdienscht isch es überhaupt , dass Bade de Wakkerpris überchunnt?
Hanspi Ich tippe mal uf die Grüene
Luzia ah darum wird Bade plastikfrei
Karin: au ohni Plastikburger und Gummibrötli – wow so guet
Hanspi Apropos Littering: Letschti han ich uf de Stross en Gummiknüppel gfunde – isch das nöd e Sauerei
Sonja Du häsch dänn sicher de nöchscht Polizischt gfrogt, öb ächt das siine seg
Luzia Da luegt de Trottel no und seit
Karin: Nei, mine han ich verlore
LIED Tico Tico Tic
Sonja Was bedütet überhaupt die grüeni Wälle für d’Schwiiz:
Luzia …dass mer kei Fädere meh vo tote Tier dörfed ässe
Hanspi …dass Furze verbote wird wägem Co2 uustoss
Karin …dass mer alli müend de Gürtel enger schnalle, die einte um de Buuch, die andere um de Hals
Sonja …dass aber au Vegetarier nöd gärn is Gras bissed
Luzia …dass de Grill-Ueli arbeitslos wird
Hanspi …dass mer mit ere Bratwurscht i de Hand vors Lokal mit de Raucher stah müend
Karin dass me sich i de Intimzone nümm dörf rasiere, will dänn de Läbesruum vo de Schamluus zerstört wird
Sonja …dass es statt Chind nur no Sprössling git
Luzia …dass trotz de Sparlampe d¨Banane grüen blibed
Hanspi …dass sich au die Grüene blau ärgeret
Karin …dass mer d‘Wurscht bim Gärtner chaufed
Sonja …dass d¨Spanisch Brödli Bahn vo Ross zoge wird
Luzia …dass de Spruch „ich chönnti Bäum uusrisse“ verbote wird
Hanspi …dass mer nur no Grasfaserkabel tuend verlegge
Karin …aber Gras rauche und Heu schnupfe –
das lömmer eus nüd verbüte
SHLUSSLIED Cocaa colaa